“Dayaq” və Ümidin hekayəsi illər əvvəl başladı. Ümid balamızın ailəsi bizə müraciət edəndə Ümid anadangəlmə çənə qüsuru ilə bağlı nəfəs almaqda çətinlik çəkir və gecə boğulmaları olurdu. Belədə, uzun sürən bu yola başladıq.

Ümidin uğurlu keçən iki cərrahi əməliyyat ilə onun anadangəlmə üz-çənə qüsuru aradan qaldırıldı və nəfəs alma ilə həyati problemi həll edildi.

Ümidin anası Zülfiyyə xanımın əməliyyatın baş tutmağından ötrü lazım olan məbləğin toplanmasına yardım edən hər kəsə, cərrahi əməliyyatı təmənnasız həyata keçirən həkimlərə, bir ana kimi təşəkkür etdi.

Biz də öz adımızdan təşəkkür edirik:

• Təklifimizi qəbul edib Azərbaycana gələrək Ümidin iki uğurlu cərrahi əməliyyatını həyata keçirdiyinə görə Türkiyənin Gazi universitetinin Diş həkimliyi fakültəsinin professoru Dr.Mustafa Sancara;

– Öznün də dediyi kimi, onun üçün ən böyük sevinc kiçik dostunun xoşbəxtliy idi;

• Əməliyyatın bütün klinik texniki təşkilatçılığını həyata keçirməklə əməliyyatda da birbaşa iştirak edən Vüqar Qurbanova fədakar və təmənnasız əməklərinə görə;

• Əməliyyatda iştiraklarına və göstərdikləri dəstəyə görə Rəşad Məmmədzadəyə və Elnur Abdullayevə;

• Həmişə olduğu kimi bizə dəstəyini əsirgəməyən “Estetik Diş” Stomatoloji və Dental Diaqnostik Mərkəzi“ nə “2D” və “3D rentgen müayinəsini təmənnasız təqdim etdiyinə görə.

Ümumi xərclər:

Maddi vəsait hesabatına görülmüş işlər:

-“Kls Martin distraktor” çənə aparatının alınmağı – 7600 AZN (4000 AVRO);

-Əməliyyatın həyata keçirilməyindən ötrü “Baku Medical Plaza”-ya ödənilmiş analiz, klinika və digər tibbi xərclər – 2179 AZN;

– Cərrahi əməliyyatı həyata keçirən doktor Mustafa Sancarın hər iki əməliyyat üçün ölkəyə gəlməyi və gecələmə xərclərinin qarşılanmağı: Bilet – 1109 AZN+ 975 AZN; Hotel – 438 AZN+355 AZN.

Könüllü xitmət və malların təmin edilməsi:

– Cərrahi əməliyyat və əməliyyat sonrası müayinələr – 15000 $ (şərti qiymətləndirmə ilə);

– Prosedur zamanı istifadə olunan 8 ədəd vintin təmənnasız təmin edilməsi- 210 AZN.

Beləliklə, ümumilikdə, Ümidin müalicəsi üçün 38 366 AZN dəyərində işlər görülmüşdür. Yuxarıda qeyd olunan məbləğ Ümidin hər iki əməliyyatının xərclərini özündə əks etdirir. Ümidin ilk əməliyyatı baş tutarkən hələ “I Stomatoloji Xeyriyyə Konfransı” keçirilmədiyindən ilk əməliyyatın xərcləri ianə büdcəsindən ayrılmışdır. Beləliklə, bu məbləğin yalnız 1 330 AZN-i Ümidin ikinci əməliyyatını reallaşdırmaq üçün Azərbaycana gələn Dr.Mustafa Sancarın yol və qonaqlama xərcləri üçün ayrılmışdır.

Ümidin sağlamlığına qovuşması ilə bir ailənin xoşbəxtliyinə səbəb olan hərkəsə təşəkkür edirik!