IMG 5883 1
IMG 20210828 WA0030 2
IMG 20210828 WA0032 1
IMG 20210828 WA0031
IMG 20210602 WA0060

LAYİHƏMİZİN MƏQSƏDİ AZTƏMİNATLI İNSANLARA, ELƏCƏ DƏ ŞƏHİDLƏRİMİZİN
AİLƏ ÜZVLƏRİNƏ VƏ QAZİLƏRƏ SAĞLAM TƏBƏSSÜM BƏXŞ ETMƏKDİR.

“Dayaq Xeyriyyə”-in 2017-ci ildə təsis etdiyi “Stomatoloji dayaq” layihəsi ilə qayğıya ehtiyacı olan aztəminatlı insanlara, vətən müharibəsində canından keçən şəhidlərimizin əmanəti olan ailə üzvlərinə, eləcə də əlillik dərəcəsi olan qazilərimizə təmənnasız stomatoloji xidmətlər göstərilir.

Könüllü həkim və diş texniklərinin qeydiyyatdan keçməsi üçün www.stom.dayaq.az saytını yaratmışıq. Pasiyentlərin qəbulu araşdırma qrupumuz və “YAŞAT” fondu tərəfindən tənzimlənir. Müraciət edənlər müvafiq qaydada araşdırıldıqdan sonra layihədəki xidmətlərdən yararlana bilərlər

Layihə fəaliyyətə başladığı gündən 317 həkim və texnikimiz könüllü, təmənnasız stomatoloji xidmət göstərmək üçün, eləcə də 8 stomatoloji firma material və texniki təminat dəstəyi üçün layihəmizə qoşularaq qeydiyyatdan keçmişdir. Layihəyə müxtəlif regionlardan və fərqli stomatoloji sahələrdə ixtisaslaşmış çox sayda həkim və texniklərin qoşulması bizə pasiyentləri təyinatı üzrə yönləndirmək və növbəti mərhələlərin tənzimlənməyi imkanını verir.

Bu günə qədər şəhidlərimizin ailə üzvləri, qazilər və aztəminatlı ailələrin üzvləri olmaqla 380 pasiyentə təmənnasız stomatoloji xidmət göstərilmişdir. Layihə çərçivəsində diş müalicəsi, diş bərpası, total protezlər, keramika qapaqlar, ortodontik aparatlar, cərrahi prosedurlar, implant əməliyyatları və sair kimi 2449 xidmət həkim və texniklərimiz tərəfindən təqdim olunmuşdur. Bütövlükdə ümumi dəyəri 410900 AZN məbləğində qiymətləndirilmiş stomatoloji xidmət təmənnasız olaraq icra edilmişdir.

stom hesabat