Əziz dostlar,
Uca Allahın izni ilə böyük uğur və müvəffəqiyyətlə başa çatdırdığımız “I Stomatoloji Xeyriyyə Konfransı”-ın nəticələri haqqında Sizə böyük sevinclə hesabat vermək istəyirik.
Öncəliklə, bu konfransın böyük uğurla nəticələnməyinə görə bu işdə əməyi olan hər bir kəsə təşəkkürümüzü bildiririk.
– Konfransın təşkilatçılığını təmin edən “Dayaq Xeyriyyə”-in idarə heyətinə – inzibati və idarəetmədəki xidmətlərinə görə;
– Baş sponsor Caspident şirkətinə – mətbəə-poliqrafiya işlərindən tutmuş konfransın təşkilatçılığına qədər bütün sahələrdə göstərdikləri xüsusi qayğı və dəstəyə görə;
– Tərəfdaşlarımız Adentta Azerbaijan , Odontos , “Denteca”, Sigmadent , Biotem İmplant Azerbaycan ,RealDent Group Companies , AzEstetik Dental ”, NovaDent, Asfarma Azərbaycan, “Stomatoloji Diaqnostika mərkəzi”, Axior Dent Azerbaijan ”-a – göstərdikləri maraq və verdikləri dəstəyə görə;
-“Cred Group Event Technical Services MMC” şirkətinə, xüsusilə Nizami bəyə, Your Decor and Events Baku ” şirkətinə və xüsusilə Elmar bəyə – səhnə quruculuğu və avadanlıqların təmin edilməyində göstərdikləri təmənnasız xidmətlərinə görə;
– “BADAMDAR ESTATES” MMC otelə və xüsusilə Rəci bəyə – uyğun şərtlər, güzəştli qiymətlərlə yüksək keyfiyyətli xidmətlərinə görə;
– Konfransın moderatorları – Mahir Səfərov, Emil İmanov, Asif Arxməmmədov, Xəqani Hüseynov, Ramiz Cəlilov, Vüsal Tahirov, Səid Əhmədov, Teymur Məmmədova – konfransda təqdimatların reqlamentlərinə uyğun dissiplinin təmin edilməyinə və interaktiv idarə edilməyinə görə və Dr. Cabbar Həsənov-a – konfransda açılış nitqinə, xeyir duasına və verdiyi töhvələrə görə;
– Konfransın spikerləri – Rəsul Nəsrəddinov, Elçin Abbasov, Əli Əsədov, Orxan Əliyev, Anar Kərimə – çox dəyərli və faydalı bilik, bacarıq və təcrübələrini tamamilə təmənnasız, böyük şövq və yüksək peşəkarlıqla təqdim etdiklərinə görə;
– Konfransın dizayneri Həsən Əliyevə – güzəştli qiymətlərlə keyfiyyətli və özəl xidmətlərinə görə;
– Konfransa maraq göstərib qeydiyyatdan keçən 364 iştirakçıya ayrı-ayrılıqda çox təşəkkür edirik.
Minnətdarlıq hissi ilə bildiririk ki,
– spikerlərimizin konfransda tamamilə təmənnasız iştirakları eləcə də qonaqlama və nəqliyyat xərclərinin olmamağı;
– otelin hostinq və qidalanma xərclərindəki endirimli qiymət;
– səhnə quruculuğunun və avadanlıqların, mətbəə, poliqrafiya xərclərinin və digər xərclərin böyük qismindən azadolmalar nəticəsində konfransda toplanan gəlir 55968.00 AZN-dir.
Xüsusilə vurğulamaq istəyirik ki, 18:00-da bitməyi planlaşdırılan konfransın 19:30-a qədər davam etməyi onun elmi-texniki qayəsinə tam xidmət etdiyinin, yüksək marağa səbəb olmağının və faydalı olmağının göstəricisidir. Yeri gəlmişkən o saata qədər qalan iştirakçılara, spiker və moderatorlara da ayrıca təşəkkürümüzü bildiririk.
Əvvəldən də məlumat verildiyi kimi konfransdan əldə edilən gəlir aztəminatlı ailələrin övladlarının sağlamlıqlarının yaxşılaşdırılmağına yönləndiriləcəkdir.
Növbəti silsilə postlarımızda yığılan gəlirdən görüləcək işlərin hesabatları Sizinlə paylaşılacaqdır.
Öncəki postda yazdığım kimi: Möhtəşəm idiniz!
“….Siz nə yaxşılıq edirsinizsə, şübhəsiz ki, Allah onu bilir.”
Qurani Kərim, 2/215.
 

SPİKERLƏR VƏ PROQRAM

280518550 104065892312344 3499117054795911351 n

KONFRANSIN MƏQSƏDİ

279626905 5202274696520058 5187296939808491745 n